Letras Galegas 2018

Cada 17 de maio, os galegos e galegas honramos as nosas Letras e a nosa Lingua. 

Este ano, 2018, a homenaxeada é a escritora María Victoria Moreno, estremeña de nacemento pero unha das voces pioneiras da narrativa infantil

Os nenos e nenas de Educación Infantil durante a Semana das Letras Galegas traballamos coa obra A festa no faiado.

 Son Uxía, unha boneca e estou abandoada.

Vivo no faiado dunha casa moi fermosa.

É a casa do señor Indalecio e da señora Teodosia. Eles foron os que me trouxeron aquí.

 Botáronme nun cesto de roupa vella sen ningún agarimo e pecharon a porta co ferrollo.

Eu cando marcharon, rompín a chorar ata que fun adorcemendo.

Debín pasar así moito tempo, polo menos un ano enteiro.

 Un día sentín unha voz moi pequena que me dicía:

-      ¿Tes frío?

-      Teño- dixen eu.

-      ¿Tes fame?

-      Teño- dixen eu.

-      ¿Tes pesar?

-      Teño-dixen eu.

Entón abrín os ollos e atopei diante miña un gato moi fermoso. Tiña os ollos marelos e doces, o pelo negro e brillante, as manciñas brandas e dondas. Era Gato, un gato de faiado.

Uxía non necesita comer, abóndalle con xogar a comer. Pero o pobre Gato ten sempre fame, fame de verdade, e, como non lle dan nada, anda acotío apurrando tras os ratos e os pardais.

Uxía pediulles aos ratos que lle fixeran un buratiño pequeno e redondo, do tamaño da súa cabeza. 

O domingo, á hora da misa, cando os amos non estaban e o Gato durmía.

Uxía baixou á cociña a por dúas sardiñas, un cachiño de queixo e unhas codias de pan.

Uxía vestiuse de criada e berrou.

-      ¡Veñan á mesa os señores-berrou- que o xantar está servido!

E todos os animaliños xuntáronse, comeron, contaron as súas vidas e a felicitaron.

Gato, os ratos e os pardais tan satisfeitos e amigos.

Gato lambía os fociños. Os ratos miraban para el xa sen medo. Os pardais estaban tranquilos.

E fixemos un libriño de recordo:

Coñecemos un pouco a súa vida co libro  Mulleres bravas da nosa historia: María Victoria Moreno que temos asinado na clase por Eli Ríos, a escritora:

 - Naceu en Estremadura nunha época moi complicada porque había guerras por todas as partes.

- Estuda en Madrid

- Ao rematar os estudos, o seu destino de traballo é un instituto de Galicia.

- É mestra e escritora en galego.

-Fixo milleiros e milleiros de quilómetros conducindo o seu coche vermello ao que lle chamaba Teresita.

- Paseaba sempre coa súa cadela Alma, acompañada de rapazada.

- E fixéronlle unha homenaxe na Feira do Libro de Pontevedra en 2001.

E participamos nun concurso, proposto pola ANPA do cole, elaborando un vídeo colectivo dun Abecedario oral. Ollade como nos quedou:

E pola nosa participación, déronnos dous contos para a clase e un pluriagasallo para cada un de nós:

MOITAS GRAZAS!!!