Visita ao Mercado da Magdalena

Hoxe, 5 de abril, os nenos e nenas de Educación Infantil fomos visitar o Mercado da Magdalena.

Antes de ir falamos nas clases, limos contos e descubrimos que era o lugar de traballo da mamá de Álex (4ºEd. Inf.) e da irmá da profe Mercedes.

Tivemos a sorte de ir en autobús, ollade que ben o pasamos!!!

      

 Unha vez no mercado, visitamos diferentes tendas:

FROITERÍAS

nas que había froitas e verduras moi familiares como tomates, leitugas, mazás... pero tamén alcachofas, lombardas, espárragos...

PEIXERÍAS

con xigantes polbos, xibas, salmóns, marraxos, percebes, nécoras... ñam, ñam!!!

CARNICERÍAS

que recendían a chourizo... ademais de ter polo, raxo, zorza, morros, rabos e tripas de porcos...

CHACINERÍAS

con queixos, xamóns, marmelos, salchichóns...

E tamén FLORERÍAS

con olorosas flores e plantas

 Para rematar a saída, mentres agardávamos ao autobús, xogamos na praza da Concatedral de San Xiao.

Con que fame chegamos ao colexio!!! Preparados para a merenda = parva (comida lixeira que se toma a media mañá, segundo a RAG)!!!

E aquí tendes algunhas postais que fixemos da saída: